الـمـطبخ تقدمـه "صابرين متولي": تورتة "التايجر أو الرخامية" مقدمة  من مطبخ ..محمد صالح

المقادير 
كوب ونص دقيق 
كوب ونص سكر ناعم 
9 بيضات كبار بدرجة حرارة الغرفة 
فانيليا 
رشة ملح 
مقادير التغليف 
250جم كريمة لباني الكريمةالسائلة 
300 جم شيكولاتة خام غامقة 
200جم شيكولاتة خام بيضة 
كريمة خام 
سكر حسب الرغبة

الطريقة 
البيض مع السكروالفانيليا ورشة الملح نضربهم ربع ساعة لما يتضاعف الحجم و يبقا قوام ولون المايونيز نبطل ضرب وننزل بالدقيق و بمعلقة خشب أو سيليكون ونقلب من تحت لفوق لما يتجانس الخليط بالدقيق نجيب صنية مدهونة سمنة ودقيق ومجهزين الفرن من قبل ودرجةحرارة 180 وبعد 35 دقيقة نختبرها بخلة ونخرجها تهدا وندخلها التلاجة 4ساعات عالاقل أوليلة نطلعها نقسمها 3ديسكات متساويين ونسقيهم عصيرفريش أو عصيركمبود ونكون مجهزين الكريمة بلبن متلج وفانيليا وسكر حسب الرغبة وندخلها التلاجة ساعتين عالاقل تبرد تماما ونجهز الجناش 150 مل كريمة علي نار اول ماتغلي من الجناب ننزل عليهم 300 جم شيكولاتة مبشورة  خام غامقة مع التقليب المستمر لمانوصل لقوام الجناش  وفي حلة تانية 100مل كريمة عليهم 200جم شيكولاتة بيضة ونكرر العملية بكدة عملنا الجناش المطلوب للتورتة نخرج التورتة ونحطها علي سلك مخصوص للجناش أو ممكن نثبتها علي كزارولة في صنية كبيرة وننزل بالجناش الغامق الأول عالتورتة ويكون دافي لمانغطيها بالكامل وننزل بعدكدة بالجناش الأبيض بخيوط رفيعة وبزاوية مايلة تديني الشكل دة والجناش اللي وقع من عالتورتة فالصنية نلمو ونستخدمو تاني فأي تورتة وجبت شيكولاتة خام وبشرتها وحطيتها علي جناب التورتة من تحت.