أم الدنيا..شعر

أم الدنيا 

كتب...(الشاعر) هاني النجار
ام الدنيا
.. قدالدنيا
... كل الدنيا
بتغير منك 
غاليه علينا.
. ضي عنينا.
. صعب علينا
 نبعد عنك
مش بالسهل
.. نفرط فيك
.. احنا بدم 
وروح نفديكي 
فداكي حياتنا..
 وعمر ولادنا
عمره يامصر 
 ما يغلي عليكي 
حبة رمل
 تساوي كتير 
طينك أصله
 مقامه كبير 
نيلك شجرك
 علمك هرمك 
كل ما فيكي
 حب وخير 
كل الناس
 اللي بتأذيكي 
دول مش منك 
اوعي تشكي 
يوم في ولادك
 ياما ولادك 
دول حاميينك
 بصي بعينك 
طالع عينهم
 لجل ماتقوي
ياما ولادك
 ضحوا عشانك
لجل يعيشوا
 بين احضانك
 باقي العمر 
ياما ولادك
 وارثين منك
 طول الصبر 
ابنك راجل 
حامي حدودك 
 واقف صقر 
برغم الفقر 
وقيلة حيلته 
بيقول مصر 
تعيشي يامصر 
ويحيا وجودك
 كل حدودك
كرمك جودك 
أقري في سيرته
..تلمسي غيرته
ياما عليكي 
طول الدهر 
ان جاع واقف.
.ان ضاع راجع 
مهما هيحصل
 برضك واقف 
ميهموش
 ولا غني
 ولا فقر 
ابنك ياما 
اجدع صقر 
عاشق نيلك 
هو دليلك 
بيغني لك
 عيشي يامصر 
يحيا وجودك
..كرمك جودك.
باقيه حدودك..
نور للكل.
..ياست الكل
ياورد...وفل 
مالي جناين
 الدنيا بحالها 
اصل عيالك
 من منخالك 
دول راس مالها 
دول لافين
 الدنيا بحالها 
عارفين ملاعبها
 واحوالها
دايسين صحاريها
 وادغالها 
عارفين مالها 
ماتغروش
 من كتر دلالها 
ولا تبريقة 
عينها الحمر ا 
هما جمال
 الفجر ونوره 
هما خلاصة
 مصر السمره 
وقت الحرب
 بيبقوا اسود  
وقت السلم
  الخير موجود 
 تلقي مصانع 
تلقي مطابع 
  بتدور 
تنتج
 تنشر
 تحشد 
تلقي الكل بروحه يجود
ابنك راجل 
عارف قيمتك 
واخد باله ان 
 إنت حبيبته 
معلق صورك 
جوه في خيمته 
دايما بيكي كده مفتون 
اوعي تقولي عليه مجنون  
ده المصري بقوته وعزيمته
بيساوي من الدول التانيه 
100 مليون