كتب عيد صالح ...إلى كل مصري وطني.......احذر المخطط........

إلى كل مصري بيخاف على مصر إليك رسالة

ناس كتير مش نازله يوم 11/11 ومعظمها دعوات على الفيس بوك من ناس هما شخصيات وهمية شخصيات نت فقط .. فبلاش تنقاد وخلاص من شوية عيال صغيرة.
خلينا متفقين إن البلد الأسعار فيها عالية ومشاكل و..و.. 
لكن إعرف إن بعد ثوره 25 يناير البلد فضلت واقفة عشان كان في احتياطي نقدي عالي .. و بعد ما مروا 5 سنين خراب واعتصامات وكل جمعة تخريب ،، لكن البلد بتحاول تقوم دلوقتي اقتصاديا..  لكننا لسه ما قومناش .. وإنت اوعي تنسى إنك يا دوب سنتين بس بتحاول تقف .. يعني يوم واحد مظاهرات ومش هقولك ثوره أو خراب .. خلاص اقتصاد وقع و بدل ما الأكل غالي مش هتلاقيه أصلا ..  وجهاز الشرطة بقاله 5 سنين وأكتر استنفذ معظم قوته وقواته بين مصابين وشهداء و إرهاب في شمال سيناء فمش شرط إنه لو حصل حاجة تاني تلاقوا جهاز شرطة من الأساس 
البلد دي الوحيدة اللي باقية و مقدروش عليها فقالوا يدمروها اقتصاديا.. 
اللي فرحان عمال يقول هنزل ثورة الجياع 11/11 ..
ثوره جياع يعني ناس تنزل تسرق أي حاجه قدامها وتقتل وتكسر عشان تاكل.. 
فكر كويس وخلي مره عندك مسؤولية .. البلد بتمر بأزم’ جامده .. مش عاجبك الرئيس كلها سنة أو إتنين وفي إنتخابات 
محدش هيقولك المرة دي إنزل أو متنزلش أو هتلاقي حد يمنعك ، و برضه المرة دي مفيهاش هزار..

 
فكر كويس ، اللعبة بدأت من كام يوم لما أمريكا حذرت رعاياها من الوجود  في أماكن في مصر.... 
فكر كويس لأن 2011 كانوا شغالين علي كل الدول العربية ، دلوقتي كله شغال عليك لوحدك 
لو الشرطه والجيش وقعوا... إنت مش هتنزل من بيتك أصلا فبلاش تكابر.... 
عايز تاخد رأي حد.. إسال حد من إخواتك ، سوري أو ليبي أو يمني أو حتى عراقي ، قول له أنا نازل أعمل ثوره إيه رأيك ؟؟... وقول لي قالك إيه..حمى الله مصر من كل شر

 تحيا مصر يامصرين...........تكاتفوا من أجل وطننا الغالي مصر افهموا  المخطط احنا أولاد مصر أولاد ترابها .....تحيا مصر بيكم إنتم .