سطوة اللحظة فوق دروب الرحيل

بقلم/نشأت البسيوني 

في كل بداية جديدة بنكتشف ان العمر مش بيستنى حد وان الطرق اللي مشيناها زمان ما بترجعش واللي مشي من حياتنا خلاص خرج من فصل ما ينفعش يتكتب من تاني وفي كل مرة بنفتح فيها باب سنة جديدة بنفهم ان القانون الوحيد اللي يحافظ على قلبنا هو قانون البعد عن كل شيء ما يستاهلناش القانون اللي بيقول اللي يمشي ما يرجعش والوحش ما ينفعشى والناقص ما يشجعشى 

والجعان ما بيشبعشى قانون مش قسوة قانون نجاة وكل ما الزمن يغير وشه بنشوف حوالينا وجوه كانت بتتقن لعبة الوجود لكن جواها غياب كبير ناس بتضحك وهي بتسحب من روحك وناس بتاخد مساحتك وكأنك ملكها وناس ما تعرفش قيمة اللي بيحب بصدق ومع اول لحظة ادراك بتقرر تكسر السلسلة دي وتختار نفسك احنا داخلين على زمن ما بيديش فرصة لحد يضيعنا ولا لحد يسرق 

مننا نور عقلنا وراحة قلبنا اللي يزعلنا يخسرنا واللي يعاند قلوبنا نسيبه لواجهة تانية من المشهد انتم من سكة واحنا من سكة ما بقاش في مساحة مشتركة بين اللي بيهدوا فينا وبين اللي احنا قررنا نكونه ويلا بينا نعيش علشاننا مش علشان حد يشوف ولا علشان حد يرضى نعيش بقلب خفيف وعقل صاحي وروح عارفة قيمتها نعيش علشان اللي يوجعنا ما يستاهلش دمعة واللي يسيبنا 

ما كناش محتاجينه واللي يقلل منا اصلا ما كانش شايف غير نفسه سيبونا ننور بالنا ننوره بالهدوء وبالاختيار الصح وبالناس اللي بتكبرنا مش بتكسرنا ننوره بالخطوات اللي رايحة لقدام مش للورا ننوره بقانون جديد قانون يحمي الروح ويخلي الطريق لينا احنا