حين تستيقظ الارض من صمتها

بقلم/نشأت البسيوني 

في وقت معين من العمر بنحس ان الارض اللي ماشيين عليها مش مجرد تراب ولا شوارع ولا حجاره لكنها شاهد حي على كل اللي فات وكل اللي اتغير جوانا بنمشي فوقها واحنا فاكرين اننا بس بنعدي لكن الحقيقة انها بتسجل خطانا واحد واحد وبتحط قدامنا مرآه كبيرة تكشف اللي احنا مش عايزين نشوفه الارض ما بتنساش الارض بتشيل اسرار البشر كلها بتشيل صرخة ضعيف ضاعت وسط 

الزحمة بتشيل تنهيدة واحد كان بيحاول يقوم بعد ما وقع بتشيل وجع ام خبته علشان محدش يحس بيه وبتشيل فرحة بسيطة اتحطت على باب بيت قديم علشان الدنيا تدخلها نور ومع الوقت نفهم ان الارض مش بس مكان احنا عايشين عليه لكنها كتاب مفتوح بنكتب فيه من غير ما نحس كل خطوة لينا سطر وكل عرق بينزل نقطة وكل دمعة بتقع على الارض بتسيب علامة حتى لو 

احنا ما شفناهاش يمكن البشر ما ياخدوش بالهم لكن الارض تاخد بالها وتحتفظ بكل ده جواها ولما نيجي نبص حوالينا هنلاقي ان الاماكن اللي مرينا بيها اتغيرت من غير ما نسأل ليه الشوارع اللي كانت شغالة بالضحك بقت هادية البيوت اللي كانت مليانة ناس بقت ناقصة حد والجدران اللي كانت شايلة اصواتنا بقت شايلة صدى بس ونفهم ان الدنيا ما بتفضلش على حال لا البشر ولا الحجر 

ولا حتى الروح اللي جوانا الروح كمان بتتبدل وبتتغير وبتكبر غصب عنها وبتتعلم من الطريق اكتر ما بتتعلم من الكتب ونكبر نضج مش سن نكبر وجع مش رقم ونبدأ نشوف الامور بعيون مختلفة نعرف ان الصمت مش ضعف وان البعد مش كراهية وان كلمة خلاص اوقات بيكون وراها عمر كامل من المحاولات اللي ما شافهاش حد ونعرف كمان ان القوة الحقيقية انك تعرف تمشي من 

غير ما تبص وراك حتى لو قلبك لسه متعلق بحاجة راحت او حلم وقع او باب اتقفل ونتعلم ان في حياة جديدة بتطلع من قلب النهاية وان في بداية بتتخبى جوا الوداع وان في رزق بييجي بعد صبر طويل وان في راحة بتوصل بعد ما تكون تعبت لدرجة افتكرت انك مش هترتاح تاني ونعرف ان ربنا بيدينا اشارات يمكن احنا اللي مش بنفهمها غير لما يعدي وقت ويبان المعنى الحقيقي 

ونعرف ليه حصل اللي حصل وليه خرج اللي خرج وليه اتسابت الابواب اللي كنا فاكرين انها مش هتتقفل ابدا ومع كل ده تلاقي نفسك بتتغير من غير ما تحس بتنسحب من دوشة كانت بتاكل طاقتك تقرب من ناس قليلة بس صافية تبطل تركض ورا اللي مش لاقيلك مكان وتحافظ على هدوءك كأنه اغلى حاجة عندك وتتعامل مع الايام بوعي مش بانفعال بطمأنينة مش بعجلة بخطوات 

محسوبة مش باندفاع وفي اخر الطريق تلاقي انك ما كنتش بتدور على ناس ولا مكان ولا فرصة انت كنت بتدور على نفسك تدور على السلام اللي ضاع منك وسط الزحمة على الطمأنينة اللي اتاخدت منك وسط الخوف على قلبك اللي تهز في وقت ما كنت محتاجه يكون ثابت تلاقي انك رجعت لنقطة البداية رجعت لنفسك رجعت للحقيقة اللي كنت هارب منها زمان وهنا بس تفهم ان الحياة 

مش محتاجة منك تكون كامل ولا قوي طول الوقت محتاجة تكون حقيقي تكون صادق مع نفسك تكون قادر تشيل ضعفك زي ما انت قادر تشيل قوتك تكون عارف انك بشر تتكسر وتقوم تتوجع وتتعافى تطيح وتنهض تتوه وترجع في النهاية وتفهم ان الارض اللي ماشين عليها شاهد علينا وهي كمان بتتعلم مننا زي ما احنا بنتعلم منها وان كل خطوة ليها معنى وان كل سكة نهايتها بداية 

وان كل صفحة في العمر بتتقفل علشان تفتح غيرها احلى حتى لو الطريق كله كان صعب وهنا ترفع راسك وتاخد نفس عميق وتعرف انك لسه عايش ولسه قادر ولسه عندك فرصة ولسه ربنا كاتب لك صفحات جديدة ولسه الطريق قدامك مهما كان اللي وراك تقيل وهنا بس تعرف ان الحياة مش بتستنى حد لكنها دايما بتدي فرصة للي عنده قلب واقف على رجليه حتى لو اتعب حتى لو اتأخر 

مفيش حاجة بتضيع طول ما الروح لسه بتتنفس وده المعنى الحقيقي ان الارض لما تستيقظ من صمتها بتصحينا معايا على حقيقتنا على اللي كنا هربانين منه وعلى اللي كنا بندور عليه من زمان