بروفه لآخر مشهد..شعر

                                               شعر /محمود فتحي
=====================================

وقوف - - صفوف
حازي طابور
علي كل بيت قفل - - مقفول
حظر الظل عن النور 
مطرود من جوايا   عشق
بره البيوت
ممدود لي برزخ
  اوله عندي واخره ف التابوت
والعياط سامعه مالوهش صوت
 والتراب  ذر الرماد 
حبس  قلبي ف كتاب
تتربط  عمري   - -  ف رجول  عنكبوت 
تحبل الاشواق تموت
كل عشق شال كفن 
حنوط 
متخيل انه يعود
من بعد موت 
واختراق الحلم لكل الصفوف
ينشطر قلب المدافن
القي نفسي في أرض خوف
حتي شمسي خالعه شقي
شقه صدري
كاسيه جسمي
شيفاني من غير كسوف
نازله شبر - -
قلم حبر - - 
شخبطات علي ضهر قبر 
القي فِهميً و عقليً ويا حلميً
طلعبيً من كابوس
وقت ما تبحلق تشوف 
اللي باقي م التلاقي  محجوز
اللي متشال في النعوش
وعدي للعشق العجوز 
والنباهه اخت البلاهه 
ماشي في برزخ رحيل 
له  علامه  
قطر    - - ميل
قمطرير 
اسمي مكتوب ع الرخامه
مر طعم الزنجبيل 
تنطلق المراسيم
وقتها تموت لابتسامه
 والفكاهة  تجاعيد  في الجليد
والمشاهد الاخيره 
صور  بعد التحميض 
 والعداوه تختصم ويا البراده
تنطوي الصحف التقيله
والقلم ممنوع م  الكتابه 
حقيقة لاستعاره 
و الصداع  في ادمغه السكاري 
وتطبيب الحجامة 
يتخلع  من كل نفس
أماره  - - لوامه 
هي دي بروفة القيامة