الموت الاخير

(.الموت الاخير..).....
                                ..شعر / عاطف عبد العظيم المنشاوى 
....................................................
ولما جيت اموت ......
معرفوش يكتبولى الشهاده ......
باالعاده انا بكتبها لروحى كل مااموت .....
المرادى روحى طلعت منى ......
من غير ماتقولى ......
ووقفت ع السكه تتفرج على بنات المدارس.....
وانا فى المندره ....
والملايكه دايسين على لسانى .....
وامى المسكينه جايه ...وجايبه نسوان الحته ....
وبتتفرج ع الحيطان الحمرا ....اللى باالاسمنت ...
والنخل اللى مدقوق وسط الاسفلت .....
وابويا داير يدور ع البيت القديم .....
ياااعمى عبد العظيم .....
تعالى مليانه البيانات.....
ولاده دايرين ف المزدات ......
قا ل ......
المذكور كان بليد ف الحسابات......
وياما قبل كده ....مات .....
بس المره دى ...رجل ....
وحسبها صح .....
.........قم مات ........
...................................