المطبخ تقدمة صابرين متولى : تورتة للمناسبات السعيدة مقدمة من محمد صالح

المقادير :

مقادير الكيك 9 بيضات منهم 7 بياض مع رشةملح و7صفار مع 2 بيض كامل

كوب ونص دقيق

فانيليا

نص كوب زيت

كوب ونص سكر

مقادير التغليف :

 كريمة خام مع سكر حسب الرغبة

نص كيلو شيكولاتة خام علي حمام مائي

كاكاو خام

الطريقة:

 هنفصل البياض لوحدة مع رشة ملح ونضرب لما يبقا مارينج، لما نقلب البولة مينزلش كدة يبقا تمام، وصغار البيض فبولة اخري مع 2 بيض كامل مع السكر والفانيليا والزيت، ونضرب لما يفتح اللون ويتضاعف الحجم، ننزل بية علي البياض بالراحة مع التقليب لما يتجانسوا كويس، وننزل بالدقيق علي 3 دفعات بالراحة من تحت لفوق، ونكون مجهزين صينية 26 سم مبطنة بمادة دهنية ودقيق أو ورق ذبدة، ونوزع الخليط في الصنية ومجهزين الفرن 180درجة.

وتدخل ونختبرها بعد35دقيقة، وتخرج ولما تهدا ندخلها التلاجة 4 ساعات عالاقل أوليلة، نطلعها نقسمها 3 ديسكات متساويين ونسقيهم عصيرفريش ونجهزها بالكريمة، نعمل المقاس الأكبر الأول، فوق بعضة ونجهزالمقاس الأصغر فوق بعضة، ونضعهم فوق بعض ونحاول يكون فالنص بالظبط ونضع الكاكاو عالكريمة نعمل بولتين بولة غامقة وبولة أقل درجة من الاولي وبقمع عملت ورد من اللون الغامق ثم اقل درجة ثم بالكريمة البيضة عملت المقدار 4 مرات مرتين مقاس 26 ومقاس 22 نغلفها بالكريمة والحشوات المحببة لديكم نجيب ورق زبدة ونثبتة عالرخامة وبالشيكولاتة الخام نعمل أي رسمة علي ورق الذبدة ولما تقرب تشد شوية نقوم بلفها على التورتة زي الصورة بالظبط وانصح حد يساعدك فوقتها للسرعة والتظبيط وندخلها التلاجة تجمد وبعد10دقايق براحة نزيل ورق الذبدة من عالشيكولاتة وبكيس حلواني عملت وردتين من نفس كريمة الشيكولات ةوردة فنص الشيكولاتة ووردة فوق التورتة.