الـمـطبخ تقدمـه "صابرين متولي": السينابون...من مطبخ الشيف فاطمة ابو على

المكونات:

1 كيلو دقيق

2 كوب ماء دافئ او حسب الحاجه ممكن نضيف زيادة

1/2 كوب حليب دافئ

1/4 كوب سكر أبيض

1/4 كوب زبدة

1 معلقه كبيرة خميرة طازجه

رشه ملح

2 بيضة فانيليا

4 ملاعق كريم شانتيه

4 ملاعق لبن بودر

الحشوة :

سكر ابيض وممكن سكر بني حسب المتاح وممكن نستعمل سكر ابيض مع معلقه عسل اسود

قرفه

زبدة بدرجه حرارة الغرفه

الصوص:

3/4 كوب زبدة بدرجه حرارة المطبخ 3/4 كوب سكر او حسب الرغبه علبه جبنه كريمي مكعبات 4 ملاعق لبن بودر علبه قشطه 1/4 كوب لبن بارد فانيليا يضرب كله بالخلاط ونضيفه علي وجه السينابون صوصات اخري : ممكن نستعمل حليب مكثف محلي ممكن صوص كراميل ممكن صوص شيكولاته غامق او شيكولاته بيضاء حسب الرغبه طريقة التحضير : في بوله صغيرة ندوب 1 ملعقة صغيرة سكر مع الخميرة وفي ربع كوب من الماء الدافئ وتترك لتخمر حوالي 5 دقائق و في العجان نضيف الدقيق والسكر واللبن البودر و الحليب ورشه الملح والبيض المخفوق والفانيليا والكريم شانتيه والخميرة ثم يوضع الماء ونعجن لمدة 10 دقائق عندما يبدا في تكوين عجينة لزجة جدا وناعمه نرش دقيق علي سطح الرخامه وتقلب العجين عليها ويفرد وتخدم العجينه باليد ويعجن حتي تتكون عجين ناعمة ومرنة حوالي 5دقائق في وعاء كبير يوضع الزيت ونضع به العجين وتغطي بقطعة بلاستيك وتترك لتخمر في مكان دافيء حتي يتضاعف حجمها حوالي ساعه. وبعد كده يقطع العجين 3 اقسام ويفرد القسم الاول مربع ويفرد عليه الزبدة ونرش السكر والقرفه ونضغط بسيط علي الحشوة ونلف رول وتقطع قطع متساويه اسطوانيه وندهن صينيه ونرص فيه السينابون ونضغط ضاغطه بسيطه علي الوجه ويغطي ويترك يخمر حوالي 20 دقيقه ويدخل فرن حار لمدة 20 دقيقه ويصبح لونه دهبي ويخرج من الفرن يبرد نضيف الصوص. وصحتين وعافيه