قالولي العشق بيفرح ..بقلم الشاعر احمد مطاوع

قلوب في الحزن مخطوفه
طبيعة البنت ف الغالب
خدودها بتبقي مكسوفه
وانا اللي بدوخ من النظره
ومن الكلمة 
عيونك شمس ف الضلمه
يابنت القلب وحبيبته
ونن عنيه بلون عسلي
يا بحر غرام ملوش اخر
انا قارب وبتسند
وقلبك جيش مشاعر ليكي
انا الجندي الل متجند
وانا الارض اللي رافضه تبور
عشان شايفه ف عنيكي النور
فصول العشق فصل ربيع
محال تغييرها ف الدستور
وغير قابله للتعديل
ولا التأثير ولا الايفكت
مشيتي رجعت و اتمسكت
وطبعا ماللي بنا كتير
دا لو شوفتك ف غير نني
يغيب من عيني شكل النور
طبيعي ان الاسد بيغير
ويتجنن ويتحول
ميبقاش زي ف الاول
ضربها طناش
طبيعي حاجات بتتغير
يكون بكاش
يكون مخلص
تعيشوا ولو بلقمه و حاف
ويخدك تحت جناحته
ما من حقه عليكي يخاف
رومانسي شويتين بالليل
وسهرة حب ف عنيكي
وشيشه و بن متحوج
وحضن يلخص المشوار
و مزيكا هاديه ع الاوتار
و رقص سلو
وكام تاتو
وتسبيله
روحين عايشين بتشفيره
وطلسم عشق رباني
محال يتفك 
علاقة حب مرسومه 
بدون كدب ولا خيانه
ولا ف يوم شك
يا اجمل صدفه مش صدفه
يا شئ عدي حدود الوصف
غرامك حرب نار قايده
ونبض القلب تحت القصف