عبء الحقيقه في زمن الأصوات العاليه

بقلم/نشأت البسيوني 

الحقيقه في الزمن ده بقت حمل تقيل على كتاف أي حد لسه ماسك نفسه وماشي بنضافه في وسط دنيا بقت بتكافئ الدوشه وتنسى الهاديين اللي بيمشوا جنب الحيط من غير ما يعملوا دوشه ولا يطلبوا تصفيق ولا انتظار شكر من حد والحقيقه بقت بتتكتب بصوت غير صوت أصحابها صوت بيزوق ويموّه ويغير اتجاه الكلام على مزاج اللي ماسك مفاتيح السوشيال ميديا وبيقرر يسمح لمين 

يتكلم ومين يتدفن صوته جوا الزحمه ومع كل ضغوط اليومين دول بقى لازم الإنسان يفكر مرتين قبل ما يصدق حاجه لإن كل حاجه بقت بتتلبس وش مش وشها وكل موقف بقى ليه قراءه تانيه وثالثه ويمكن عاشره وفي النص في ناس بتتظلم وناس بتتاخد بذنب ما عملتهوش وناس بتدفع تمن إنهم صريحين زياده عن اللزوم او طيبين أكتر مما المجتمع يستحمل ومع كده لسه في ناس 

بتكمّل وتمشي وتاخد نفس عميق كأنها بتتحدّى الدنيا كلها وبتقول رغم كل حاجه لسه في أمل ولسه في نيه نظيفه ولسه في قلوب بتخاف تزعل حد وبتحاول تطيب الخاطر وبتعاند الحزن اللي بيقف على الباب كل يوم تستقبله وترفض تدخله لأن الحياة تستاهل حد يقف لها مش حد يستسلم ليها ورغم كل اللحظات اللي الإنسان بيحس فيها إنه اتكعبل وإنه اتخان وإنه اتفهم غلط أو اتهاجم بدون 

سبب بيكتشف مع الوقت إن اللي باقي له هو قوته وهدوءه وضميره اللي عمره ما خانه ولا باعه وفي وسط لهاث الكلام والناس اللي بتجري ورا الترند واللي عايز يشهر نفسه بكلمتين واللي يركب قصه على صوره واللي يزود من عنده عشان ياخد لايكات يفضل في ناس مهما اتهاجمت ومهما اتظلمت شايله نفسها بالعافيه بس 

واقفه وراسها مرفوعه لأنها متربية على الصح ومتعوده تقول اللي جواها من غير خوف حتى لو اتدفعت تمن غالي وفي الآخر الحقيقه بتظهر حتى لو اتأخرت شويه بتطلع من بين الضباب وتكشف كل حاجه ووقتها يعرف الناس مين كان ثابت ومين كان بيتلون ومين كان بيحارب عشان يفضل نضيف وسط عالم مليان شوائب