حين تصمت الجبال ولا يصمت قلب الانسان

بقلم/نشأت البسيوني 

في زمن بقى فيه الصوت العالي هو الحاكم والضوضاء هي اللغة الوحيدة اللي بتفهمها الدنيا كان في انسان ماشي فوق أرض بتختبر صمته قبل ما تختبر صبره انسان اتخلق بطبعه هادي بس اتربى في دنيا ما تعرفش يعني ايه هدوء وكل يوم كان بيكسب جرح جديد ويتسحب منه أمل قديم لحد ما بقى شكله من بره عادي جدا بس من جوه في معركة ما وقفتش يوم واحد كان ماشي بين الناس 

وهو شايل جواه أسرار أكبر من صوته وحكايات أكبر من وقته وحروب محدش يشوفها غير ربنا كان بيضحك وهو جواه سؤال صامت بيقول لحد امتى ولسه نفسه بتقول له كمل وما توقفش وفضل يكمل وهو فاهم إن الدنيا مش بتدي حد هدايا ببلاش وإن الطريق اللي بيصنع قوة جديدة دايما بيكون طريق مؤلم وموحش ومليان لحظات تتمنى فيها ترجع بس ترجع على فين وهو أصلا ما 

لقاش حضن يرجع له ولا كتف يستند عليه ولا كلمة تتقال من قلب صادق كانت الوحدة حواليه مش مجرد فراغ كانت جدار واقف جنبه غصب عنه ومهما حاول يبعد عنها ترجع له بصورتها القديمة نفس الوحدة اللي خدت منه حاجات وعلمته حاجات وكسرت حاجات وبنت مكانها حاجات أكبر منه بكتير لحد ما وصل لمرحلة بقى فيها شكله ثابت زي الجبل وعقله هادي زي البحر وقلبه مليان 

بوجع ما تعلمش يقول لكنه ما اتعودش يهرب منه اتعلم من الايام ان كل حاجة بتنتهي إلا اللي جوه الانسان وإن أكبر ضربة مش اللي بتيجي من الناس لكن اللي بتجيلك من اللي كنت فاكره سند وان أثقل حمل مش اللي تحطه فوق كتافك لكن اللي تحطه فوق صدرك وتتظاهر إنك بخير ومع كل يوم كان بيتغير شويه يتخلص من ناس ياخدوا منه وما يدوش ويبعد عن أصوات تعمل دوشة بس ما 

تعملش معنى ويقرب لربنا ويقرب لنفسه ويقرب للحقيقة اللي عمرها ما بتتجمل الحقيقة اللي قالت له ان الانسان مش بيتقاس بعدد اللي حواليه لكن بعدد المرات اللي وقف فيها لوحده وما وقعش وبعدد الليالي اللي نام فيها موجوع وصحي وهو أقوى وبعدد السقوطات اللي علمته ازاي يقوم من غير ما يصرخ وبعدد الدموع اللي مسحها قبل ما حد يشوفها وبعدد المواقف اللي كانت 

كفيلة تكسره بس ما كسرتوش وفي اللحظة اللي الدنيا افتكرت إنها عرفته كويس وفهمت نهايته كان هو بيبدأ بداية جديدة بداية ما فيهاش خوف ولا تردد بداية انسان ما بقاش فيه أي حاجة تتاخد منه لأنه فقد كتير لدرجة بقى مستعد يخسر كل شيء إلا نفسه وبقى فاهم ان الجبال ممكن تصمت لكن القلب لا وان أي وجع مر بيه ما كانش لعنة كان إعداد وان كل اللي راح منه كان لازم يروح 

علشان يجيله اللي يستحقه وان اللي اتاخد منه ما كانش خير ليه وان الخير الحقيقي دايما بيتأخر بس عمره ما يضيع وفي النهاية وقف الراجل قدام نفسه وشاف جواه انسان مختلف انسان اتصنع من صبر مش طبيعي وقوة محدش يقدر يقيسها وتحمل ما حدش شافه وصمت ما حدش قدر يسمعه ولما الدنيا حاولت تكسره فهم انها اتأخرت لأن اللي مر بكل ده مستحيل ينكسر تاني ومستحيل 

ترعبه خسارة جديدة ومستحيل يهزمه صوت مهما علا لأنه هو الوحيد اللي صمته أقوى من ضجيج العالم كله