حين يضع العمر يده على كتفك ويخبرك أن الوقت اتغير

بقلم/نشأت البسيوني 

حين يضع العمر يده على كتفك ويخبرك أن الوقت اتغير بنفهم إننا ما بقيناش زي زمان وإن النظرة اللي كانت بريئة بقت واعية وإن القلب اللي كان يفتح بابه لأي حد بقى بيقفل على نفسه ألف مرة قبل ما يسمح لحد يدخل وإن الروح اللي كانت بتسامح بسهولة بقت تتعب من التنازلات ومن محاولات التبرير ومن صناعة الأعذار لناس ماقدروش قيمتها ولا يوم احترموا وجودها ومع مرور الأيام 

نتعلم إن اللي كنا فاكرينه قوة كان أحياناً ضعف وإن اللي كنا فاكرينه حب كان مجرد تعلق وإن اللي كان بيبان اهتمام كان مجرد عادة وإن الناس اللي كنا فاكرينهم أهل الطريق كانوا مجرد عابري لحظات والعمر بيعلمنا إن السعادة مش في الكثرة السعادة في القلة اللي قلوبها صافية ونواياها ثابتة ومواقفها حقيقية وإن العلاقات اللي بتتهز بسرعة ما تستحقش نصلحها ألف مرة وإن اللي يروح من 

غير ما يبص وراه ما كانش أصلاً شايف قيمتنا وإن اللي يكذب مرة يكذب ألف وإن القلب مش أكيد ناقص خيبات تانية ولا تجارب تبنيله جدار أكبر من اللي فيه ومع كل يوم جديد بنفهم إن الرحيل مش خسارة الرحيل أحياناً إنقاذ وإن السلام مش محتاج ناس كتير حواليك السلام محتاج قلب ما بيلومش نفسه طول الوقت وما بيفكرش في اللي جرحه وما بيجمعش ألم فوق ألم وإننا لما نبعد 

عن الضجيج نسمع نفسنا بوضوح ونسمع الرسائل اللي كانت بتعدي من قدامنا من غير ما ناخد بالنا ونشوف الحقيقة اللي كنا بنهرب منها ونحس بقوة جوانا كانت مستنية لحظة الوعي علشان تظهر
والعمر بيفهمنا إن مفيش حد يستحق إننا نضيع وقت طويل نحاول نفهم ليه اتغير أو ليه اختفى أو ليه اتقلب ليه قلبه بقى حجر وليه كلامه بقى تقيل لأن ببساطة اللي مش شبهك مش هيعرف يعيش 

معاك واللي مش صادق مش هيعرف يحافظ عليك واللي ما بيحبش بصدق عمره ما هيفهم أنت كنت بتدي منين وبعد وقت طويل نكتشف إن أعظم مكسب في الحياة إنك تقرر تختار نفسك إنك تحبها بوعي وتحافظ عليها وتديها قيمتها من غير ما تستنى من حد تاني يعمل ده عنك وإن كل تجربة علمتك إن اللي مش ليك هيمشي حتى لو شديته وإن اللي ليك هيفضل حتى لو الدنيا كلها زقته بعيد 

وإن الراحة مش في الناس الراحة فيك وإن الأذى مش نهاية العالم الأذى بداية نضج وإن الوجع مش دليل ضعف الوجع دليل إن قلبك لسه عايش ولسه بيحس ولسه قادر يفرق مين يستاهل ومين لا
ومع كل خطوة بتكبر بيها بتتعلم تبص للدنيا بطريقة أوضح وتشوف نفسك بقيمة أكبر وتحط حدود ما تتعداش وتبعد من غير خوف وتقرب من غير تسرع وتكون صاحب قرار مش تابع شعور

 العمر يعلمنا إن اللي راح ماكانش لينا وإن اللي فضل هو الخير كله وإن اللي جاي يحمل راحة أوسع وأيام أنضف وقلوب أنقى وإن اللي اتكسر جوانا اتصلح وإن اللي اتاخد مننا اتعوض وإن اللي ضاع من وقتنا ما كانش خسارة كان درس طويل لازم نتعلمه علشان نكمل الطريق بإضاءة أوضح وروح أقوى وعقل صاحي يعرف يختار اللي يستاهل والباقي نسيبه ورا من غير حزن ومن غير التفتة