حين يختبرك القدر ليعرف مدى صلابتك الحقيقية

بقلم/نشأت البسيوني 

حين يختبرك القدر ليعرف مدى صلابتك الحقيقية هتلاقي نفسك فجأة واقف قدام لحظة ما فيهاش تفاهم لحظة مافيهاش مبررات ولا أعذار ولا حتى فرصة للهروب لحظة بتعريك من كل حاجة كنت مستخبي وراها من ابتسامة كانت بتداري التعب ومن كلمة كانت بتراضي ناس ماتستاهلش ومن محاولات كنت فاكرها إنقاذ بس هي اللي كانت بتغرقك وكل ما الزمن يزقك لمرحلة جديدة تكتشف إنك 

كنت عايش بنصك مش بكلك بنص قوتك بنص وعيك بنص احترامك لنفسك بنص قلب مش عايز يزعل حد وبيزعل نفسه
ومع أول اختبار حقيقي هتفهم إن القدر مش بييجي يهدمك القدر بييجي يعيد بناءك بطريقته الطريقة اللي ماينفعش تكون لطيفة ولا سهلة ولا مريحه علشان لو كانت كده عمرك ما هتتغير وعمرك ما هتسيب اللي بيأذيك وعمرك ما هتواجه الناس اللي كانت واخدة من 

روحك أكتر ما بتديك ومع اول خضة هتعرف إن الحياة بتشيل من طريقك ناس مكانوش ليك مهما صرخت علشانهم ومهما حاولت تفهمهم ومهما دورت لهم على أعذار ومهما كنت شايفهم أهم من نفسك وفي عمق اللحظة اللي كنت فاكرها نهايتك هتلاقي بذرة لبدايتك اللحظة اللي فيها قلبك بيقع وانفاسك بتتلخبط ودماغك مش شايفة قدامها هي نفسها اللحظة اللي هيتولد منها يقين جديد 

يقين بيقول انك اقوى من اللي حصلك وأكبر من اللي كسرك وانك مش محتاج تعلق روحك في حد ولا تربط سعادتك بوجود أي شخص وإن اللي يمشي يمشي واللي يبقى يبقى واللي يقدرك هيبان من اول موقف واللي نيته مش نقية هينكشف من غير ما تعمل حاجة ولما تبتدي تستوعب ده هتشوف الدنيا بعين تانية عين مابتخدعهاش الكلمات ولا يضحك عليها الاهتمام المزيف ولا تتحرك 

بكلمتين حلوين ولا تتلخبط من ابتسامة شكلها طيب وجواها نية تانية عين بتعرف تفرق بين اللي بيقرب عشان خاطر قلبك واللي بيقرب عشان ناقص حاجة واللي بيقرب عشان يستغلك ولما القلب يعقل كل ده هيتغير فيك حاجات كتير هيتغير صبرك هيتغير اختيارك هيتغير توقعك من الناس هيتغير حتى طريقة وجعك هتتغير هتبقى أهدى وأنضج وأعمق وواعي أكتر من أي وقت فات

وتبدأ تحط حدود حدود ماتعديهاش لأي سبب حدود تحمي بيها نفسك من الناس اللي ماعرفتش قيمتك وحدود توقف بيها كل اللي كان داخل حياتك من غير ما يخبط وحدود تبعد بيها اللي شايف وجودك حق مكتسب مش نعمة وحدود تمنع بيها اي حد يدخل جوة قلبك لو نواياه نص نص او خطواته مش ثابتة او كلامه اكبر من فعله ومع كل خطوة جديدة هتلاقيك بتسترد نفسك اللي كنت 

بتخسرها يوم بعد يوم وهتلاقيك بترجع لنور جواك كان مطفي وهتلاقيك بتتنفس أعمق وبتحس أخف وبتعيش لنفسك مش لحد وبتدي للي يستاهل وبتبعد عن اللي قربه بيوجع وبتتأكد إن أجمل حاجة في الرحلة إنك في الآخر بتوصل لنفسك وبس المشهد هتفهم إن القدر ما اختبركش علشان يكسرك اختبرك علشان يطلع النسخة اللي المفروض تطلع زمان النسخة اللي تستاهل الحياة اللي جايه 

واللي جاي دايما أجمل لما تكون واقف على رجلك مش متعلق بحد ولما تكون فاهم قيمتك مش مستني حد يقولها لك ولما تكون رايح لقدام بإيدك مش بإيد الظروف ولما تكون متصالح مع الطريق حتى لو كان صعب لأن الصعب عمره ما هيكسر اللي اتبنى على وعي