حين يختبرك الطريق لتعرف من تكون حقآ

بقلم/نشأت البسيوني 

في لحظة معينة من العمر بنكتشف إن الطريق نفسه بيختبرنا أكتر ما بنمشي إحنا فيه وإن كل خطوة بنخطوها مش مجرد انتقال من مكان لمكان لكن انتقال من حال لحال ومن فهم لفهم أكبر ومن جهل لوعي أعمق ومع الأيام نفهم إن الحياة مش بتدي دروسها مرة واحدة لكنها بتديها على جرعات يمكن علشان نتقبل ونفهم ونستوعب وما نتهزش من الحقيقة الكبيرة اللي جوانا الحقيقة اللي 

بتقول إننا اتغيرنا من غير ما ناخد بالنا وإن روحنا كبرت من وجع كان ظاهر إنه بيوجع لكنه في الأصل كان بيعالج وجع أعمق وإن الناس اللي خرجوا من حياتنا ما خرجوش صدفة لكن خرجوا لما اكتشفوا إن قلوبنا مش محطة انتظار لحد مش ناوي يكمل وإن خطواتهم كانت بتهرب من نور جوانا مش من نقص عندنا ومع كل محطة جديدة نلاقي إن اللي كنا فاكرينه نهاية كان بداية جديدة 

وإن القلوب اللي ضحكت علينا كانت مجرد مرايا باهتة ما تعكسش غير ضعف أصحابها وإن القوة اللي بحثنا عنها في الناس لقيناها في لحظة صمت مع نفسنا لحظة فهمنا فيها إن مافيش حد هينقذنا غير إرادتنا ومافيش حد هيحمي روحنا إلا إحنا وإن اللي كان بيكسرنا زمان بقى بيعلمنا النهارده إننا أثبت من اللي حاولوا يكسرونا وأقوى من اللي استضعفونا وأوعى من اللي حاولوا يلعبوا بمشاعرنا ومع 

الأيام نعرف إن مش كل طلب استجابة ولا كل رفض خسارة ولا كل غياب نقص لكن في غياب كان ستر وفي رفض كان حماية وفي تأخير كان خير وفي صبر كان باب لفرج مكنّاش شايفينه وبنكتشف إن نجاح الروح مش في كتر العلاقات ولا في رضا الناس ولا في ضحك ظاهر على وشوش متعبة النجاح الحقيقي هو لما نوصل لمرحلة نفهم فيها نفسنا كويس نعرف أذانا من نفعنا نميز اللي قلبه 

صافي من اللي نيته معطوبة واللي بيقرب بحب من اللي بيقرب بمصلحة ونعرف إن الحب مش كلمة لكن فعل وإن التقدير مش طلب لكنه شعور يجي من غير ما نسأل وإن الكرامة مش خيار لكنها أساس أي علاقة تبقى وإن الصدق مش رفاهية لكنه ضرورة تحمي الروح من الخيبة وتبعد عنها الزيف ومع كل اختبار نفهم أكتر إن مش كل حرب لازم ندخلها وإن مش كل كلمة تستحق الرد وإن مش 

كل معركة محتاجة صمود في معارك معناها الحقيقي إنك تمشي وتسيبها معارك بتكسبها لما تنسحب وتنسى إنك حاربتها أصلًا ونفهم إن اللي يحبك مش هيحطك في موقف يوجعك وإن اللي يقدرك مش هيستنى مصلحة ولا لحظة ضعف عشان يظهر وإن اللي يشوف قيمتك هيشيلك في عينيه مش في وقته الفاضي ولا في آخر اهتمامه ونكبر ونوعى ونعرف إن الطريق دايمًا كان بيشكلنا 

على مهل وإن الحكايات اللي ضحكتنا واللي وجعتنا كانوا درسين لنفس العبرة إننا لازم نختار نفسنا وما نسمحش لحد يسرق نورنا ولا يقلل قيمتنا ولا يهز ثقتنا لأن اللي اتبنى جوه الروح بعد كل اللي مر ما يهزهوش حد في آخر الرحلة بنقف قدام نفسنا ونبتسم ابتسامة هادية كأننا بنقول أخيرا فهمنا اللعبة أخيرا عرفنا مين إحنا وأخيرا بقينا مستعدين نمشي طريق تاني طريق نضيف نختاره بعقل 

ونكمله بقلب ونعيشه بروح أقوى من أي وجع مر علينا واللي جاي أجمل دايما طالما الطريق ماشي بإيدينا مش بإيد حد تاني