ملف الدجاج

تاريخ النشر : الخميس, مايو 21, 2020 - 15:03

مقدم من الشيف مارى توفيق بباوى

فراخ اسبايسى

المقادير
صدور فراخ مقطعه الى مكعبات
٢بصله مقطعه مكعبات
٥٠٠جرام مشروم مقطع
٣فلفل اللوان مقطع مكعبات
٢فلفل حار
اسلايز بصل اخضر
١ معلقه عصير ليمون
١معلقه خل
٢معلقه صوص الصويا
١معلقه كاتشب
١معلقه صغيره ملح
كارى
مكعب مرق

طريقة التحضير

ينقع الفراخ فى التتبيله لمده ساعتين فى الثلاجه

يشوح البصل والفلفل والمشروم وننزل بالصدور بعد نشرها
من الصوص حتى يقرب على تلت السوا بعد كدا نضع عليها
صوص النقع الذى نقع فيه الصدور ويوضع فى طاجن او صنيه اوبايركس ويدخل الفرن يكمل سواااا وبالهنا
ويغرف ويزين بالبصل الاخضر ويقدم مع ارز

دجاج بالنقيطه

المقادير
دجاجه مسلوقه
١معلقه صغيره عصير الليمون
بصله كبيره مبشورة
٢معلقه زيت
قليل من جوز الطيب
ملح
فلفل
ملعقتين بقدونس مفروم

مقادير النقيطه
٤ملاعق دقيق
بيضه
ملح
فلفل
ثلاث ارباع كوب لبن
معلقه كبيره خل مخفف

الطريقه

تقطع الفراخ وينزع العظم مع المحافظه على شكل قطع الفراخ
سليمه وتتبل بالتوابل
يخلط البقدونس والبصل والليمون والزيت و الملح جيدا
وترص قطع الفراخ على الخليط وتقلب بالخليط جيدا

طريقه عمل النقطيه

فى إناء أضع الدقيق ونعمل حفره فى نص الدقيق ويوضع فيها صفار البيض ثم يضاف نص كوب اللبن ويقلب جيدا
حتى تغلى قوامها وتخفق لمده ٥ دقايق وتترك لمده نصف ساعه ثم يضاف إليها باقيه اللبن والخل وأنبل وتقلب
ثم نضع بياض البيض وتقلب جيدا ثم ننشل الفراخ من التتبيله وتلمس فى الدقيق ثم النقيطه وتحمر فى زيت اوسمن غزير حتى تحمر لونها وبالهنااا والشفااا

فراخ روستووو

المقادير

١فرخه كبير

للنقع

ربع كوب ملح
ربع كوب سكر
١معلقه كبيره خل

التتبيله
ملعقة كبيرة ثوم مفروم
روز ماري
زعتر فريش
١ملعقة كبيرة بشر برتقال
نص كوب عصير برتقال
ملعقة كبيرة صلصة
٢معلقه مستردة
١ملعقة كبيرة عسل أبيض
ربع كوب زيت
ملعقة صغيرة ثوم بودر
ملعقة صغيرة بصل بودر
ملعقة صغيرة بابريكا
ملعقة صغيرة قرفة بودر
ملعقة صغيرة كبة صيني
ملح
ملعقة صغيرة فلفل أسود
جزر اسلايز
طماطم اسلايز
بصل اسلايز
2عود كرفس
رأس ثوم صحيحة
طريقة التحضير
تنقع الفرخه في ماء به خل وملح وسكر لمده ساعتين ونرفع الفراخ من ماء النقع ونشطفها جيداً ونجففها ونخلط مكونات التتبيلة مع بعض ونقوم بعمل تشريحات في الفراخ بالسكينة ونتبل الفراخ بالتتبيلة من الداخل والخارج وفي الفتحات ويفضل تركها في التتبيلة ٤ سعات لطعم لذيذ جداً وفي صينية فرن نضع الخضار في الأرضية ونضع على الفراخ باقي التتبيلة ونضيف كوب ماء مغلي ونغطي جيداً جداً بورق فويل وندخل الصينية على الأرضيه على درجة حرارة ١٨٠ لمدة نصف ساعة ثم نرفع الصينية على الشبكة ونهدئ النار حتى تمام النضج ويحمر الوجه تحت الشواية ويقدم بالهنا والشفا

تصنيف المقال :

مطبــخ

ملف الدجاج

إضافة تعليق جديد