(مسرحية فلفل) الجزء الثاني

كتب/محسن رجب جودة

فلفل:أنت ياعم يابا...أنت ياعم يابا

الأب:نعمين يابني نعمين

فلفل:بصلاحة مقدلش أصبل أكتر من كده

الأب:تصبر على أيه ياواد متتكلم

فلفل:بصلاحة أنا شفت حتة علوسة حلوة قوي

الأب:لمين يابني ياحبيبي

فلفل:لمين ياخويا ليا طبعا

الأب:أنا بحسب أنك خلاص فكرت فى الغلب اللي أنا فيه

فلفل:لأ متحسبس أنا خايف عليك أنت عاوز أمي تقطعك زي الفلخة

الأب:متتلم ياواد مش لدرجاتي

فلفل:أنت بتتكسف ليه مش هيا دي الحقيقية لو لاجل(راجل)بصحيح لوح(روح)قول الكلام ده ليها وشوف هتعمل فيك أيه

الأب:بقى كده يافلفل طب روح شوف بقى مين اللي هيجوزك

فلفل:أنا مليش دعوة أنا عاوز علوسة يعني عاوز علوسة

الأم تدخل في ذلك الوقت قائلة مالك يافلفل ياحبيبي زعلان ليه

فلفل:انا مش عالف أنتي مستحمله اللاجل (الراجل)ده ليه ماتيجي نخلص منه

الأم :كله علشان خاطر عيونك ياحبيبي

الأب:بقى كده يافلفل والله إن مسكتك لأنزل فيك ضرب

فلفل: تنزل فيا ضلب ليه لوح أتشطل على أمي اللي هلياك(هرياك)ضلب جاي تتشطل عليا أنا ياخويا

الأم :هوه فيه أيه لده كله

الأب: تعالي شوفي أبنك العبيط اللي جاي عاوز يجوز

الأم :تغمز لزوجها بعينها قائلة وماله ده يوم المنى وأنا عندي العروسة

فلفل:مين يأمي ياحبيبتي

الأم :بطة بنت خالك

فلفل:بطة أيه التخينة اللي عامله زي البرميل أنت عاوزه تموتيني

الأم :مافيش غير بطة إن كان عاجبك

فلفل:وأنت ياخويا ملكش كلمة في البيت ده واللا عامل زي خيال المآته ملكش لازمة أتحرك بقى أميته هيكون ليك كلمة

الأم :هوه يقدر يكسر كلامي

فلفل:ياحلاوة اللجالة (الرجالة) ما أنت لو لاجل بصحيح مكنتش عملت كده أنا لو ملاتي وتقول كده هطلقها وأخلص منها

الأم : عارف يافلفل إن مسكتش هنزل فيك ضرب

فلفل: تنزلي فيا ضلب ليه فاكرني أبويا يعني مش عاوزين تجوزوني

الأب والأم في نفس الوقت لأ

فلفل :طب عليا الطلاق بالتلاتة لا لوح أتجوز ومش هدعيكم