طريقة عمل دجاج بارميزان بصوص الطماطم من الشيف غادة عاطف

كتبت منى احمد وصفة مفيش أسهل منها ولا أحلى من طعمها يمكنك تقديمها فى كل الأوقات على الغداء أو العشاء زى ماتحبى ابدعى وتفننى وقدمى كل جديد وشهى

المقادير
6 عدد صدور دجاج مخلية
6 شريحة جبنة جودة
3 كوب بقسماط مطحون
2 عدد بيضة
1 معلقة كبيرة زيت ذرة
1 كوب جبن بارميزان مبشور
1 برطمان صلصة طماطم
1 كوب ورشستر صوص

الخطوات
هنسخن الفرن
نضرب 2 بيضة في وعاء و نقلبهم جيدا
في طبق تاني غويط نضيف البقسماط و عليه الجبنة البارميزان و نخلطهم جيدا
ناخد صدور الدجاج قطعة قطعة و نغمسهم في البيض على الجانبين و بعدين نغمسهم في البقسماط على الجانبين برضه لحد ما يتغطي كويس بخليط البقسماط
في طاسة كبيرة على النار هنضيف معلقة الزيت و نبدأ نحمر صدور الفراخ اللي هتحتاج من 8 لـ 10 دقائق لكل جانب علشان تستوي
نضيف برطمان الصلصة في صنينة بايكرس و ندهن بيه الصينية بمعلقة خشب علشان يتوزع كويس
دلوقتي هنضيف صدور الدجاج فوق صلصلة الطماطم و نضيف فوق كل صدر شريحة جبنة جودة
ندخل الصينية الفرن لمدة 20 دقيقة أو لحد ما الجبنة تسيح. كده تمام..بالهنا و الشفا