طاجن المكرونة من مطبخ الشيف رحمه عمر

طاجن المكرونة بجد تحفة وعن تجربة وطعمة حكاية ممكن تعملية باللحمة المفرومة او كبدة اسكندرانية او فراخ.

المقادير:-

فى الطبخ المقادير، بتبقى تقربية وحسب نظرك انتى طبعا.

كيس مكرونة اقلام

2ملعقة صلصة

عصير طماطم

حوالى نص كيلو لحمة مفرومة

بهارات:ملح-فلفل-كزبرة-زعتر - جنزبيل - مكعب مرقة -شطة حسب الرغبة

رشة سكر-توم مفروم-بصل فلفل كوبى مقطع جوليان

طماطمية مقطعة

الطريقة:-

عصجي اللحمة المفرومة، بوضع قليل من الزيت، وعليه بصلة مقطعة، و أول ما تصفر حطى اللحمة، تاخد لونها، و حطى ملح وفلفل وفلفل اخضر وطماطمية مقطعة، لحد ما تنشف ماية الصلصة.

فى حلة، شوية زيت تحمر فيها بصلة وعليها ثوم مفروم يصفر حطى الفلفل الاخضر والصلصة تلفيهم مع بعض تطلع المادة الحافظة اللى فيها تنزلى بالطماطم المعصورة وحتتة تومة ناية وملح وفلفل وكزبرة والزعتر والجنزبيل ورشة سكر حوالى نص معلقة صغيرة من كل حاجة وسبيها تتسبك وبعدين زوديها ماية لحد ما تغلى تجيب الطاجن الجميل تدهنى زيت وتحطى اللحمة المعصجة وتفضى كيس المكرونة وعليها الصلصة اللى بتغلى ودخليها بين المكرونة براحة وتكون الصلصة مغطيها زى الرز كدة وتحطيها فى الفرن على نار علية الاول تتشرب الماية اللى فيها تحطى عليها ورقة المونيوم وتوطى النار مش هتاخد اكتر من تلت ساعة وبعد ما تهدى خالص اقلبها او اعملى طواجن صغيرة على قد فرد.