الـمـطبخ تقدمـه "صابرين متولي": صينيه جلاش بطريقة جديدة من مطبخ الشيف ياسر المصرى

 انت مع الجديد هاقدم جلاش من مطبخى انا وطريقتى، هنعمل صنية جلاش بفكر جديد وطعم خطير وجديد ايضا.

نحضر نصف كيلو لحمة مفرومة +2ثمرة فلفل رومى +1حباية جزر مبشورة.

ونحضر اناء ونضع فية قليل من الزيت مع الزبدة وننزل بالفلفل الرومى والبصل والجزر المبشور ونقلب لمدة 3دقايق، ثم ننزل عليهم ب4 فصوص ثوم مبشورين، ثوم بلدى ثم نضيف لهم الحمة المفرومة بتعتنا، ونقلب لمدة 5 دقايق، ونضيف لهم 1مكعب مرقة دجاج، و فلفل اسمر وكمون وحبهان وقرفة، ونقلب لمدة 5 دقايق، ثم نضيف عليهم 3معالق دقيق متوسطة، ونقلب كويس ثم نضيف عليهم نصف كيلو لبن، ونقلبهم كويس لمدة 2 دقيقة ونشلها من على النار تبرد ثم بعد ماتبرد نضيف لها 3بيضات ونقلبهم كويس ثم نحضر لفة الجلاش ونقسمها على 3 طبقات ندهن الصنية زبدة ونرص الطبقة الاولى ثم نضع طبقة لحمة ثم طبقة جلاش ثم طبقة لحمة ثم اخر طبقة جلاش وندهن الوش زبدة خفيف ونقطعها مربعات وندخلها الفرن والف هنا وشفا.

ملحوظة الطريقة دية كمان مش حتخلينا نستهلك سمنة كتير فى صنية الجلاش وحتبقى خفيفة على المعدة وطرية وطعم تحف.