الـمـطبخ تقدمـه "صابرين متولي": الفايش الصعيدي  من مطبخ ام مصرية

***الفايش ***     
الطريقه *****والمقادير
                                             
اهم حاجه فالفايش خميره اللبن*****بنغلى اللبن حوالي نص كيلو ونصبه في علبه محكمه الغلق 
ونضيف معاه ملعقه سمسم او حمص او فول اللي تحبوه ونشيله في مكان دافي 
فالصيف بتاخد يوم كامل وفي الشتاء بنسيبها يومين عشان تخمر دي اهم مرحله 
علامه نجاح الخميره بنلاقي اللبن فصل وعمل طبقه علي الوش 
**باقي المقادير**
لكل كيلو دقيق نضيف كوب سمن ساخن
ونضيف ملعقه كبيره سمسم **وملعقه صغيره محلب مطحون ** وملعقه صغيره كركم بيدي اللون الاصفر الجميل
وملعقه صغيره ملح **وريحه كحك **و نص كوب سكر **وقطعه صغيره خميره بيره 
لبن للعجن اوخليط من اللبن والماء حسب الرغبه تقريبا كل كيلو ياخد نص كيلو لبن 
**الطريقه**
ننخل الدقيق في اناء واسع ونضيف كل المكونات الجافه ونقلبهم جيدا مع الدقيق وبعدين نضيف السمن الساخن ويبس جيدا مع الدقيق حتي يتجانس جيدا 
ثم نضيف خميره اللبن ونبدا نضيف اللبن ونعجن حتي تتكون عجينه لينه لا تلتصق باليد 
ونتركها تخمر حوالي ساعتين فالصيف هتاخد وقت اقل 
ثم نشكل الفايش علي شكل اقراص مستديره او اصابع وترص في صاج الخبز وتترك تخمر مره اخري ونسويه في فرن حامي الي ان يحمر الوجه
وبعد أن تبرد  تقطع الي شرائح ويدخل الفرن مره ثانيه ويحمص علي نار هادئه جدا حتي لا يحترق 
وبالف هنا وشفا