الـمـطبخ تقدمـه "صابرين متولي": افضل لانشون بيتى ..من مطبخ ايمان حمدى

اولا معظم الطرق متشابهه فى حاجات معينه لا خلاف عليها زى البيض والدقيق، بس وناس بتحط مرقة دجاج، انا بصراحه مش بحب اى مواد حافظه.

 نبدأ بالمقادير:-

5 معالق دقيق

ربع كيلو فراخ مفرومه او لحمه

5 بيض

5 معالق زيت

5 جبنه نسته

فص توم مبشور

معلقه صغيره نشا

5 حبات زيتون مخلل

فص حبهان البذر فقط

ملعقه صغيره ملح

وزيها فلفل اسود

وزيها وبابريكا

رشه كارى

رشه كزبره مطحونه

تلت كوب ماء

لون طعام احمر لو هتعمليه باللحمه انما طبعا لو لانشون فراخ يبقى بلونه ومش تحطى البابريكا.

هنحتاج زيتون او فلفل اسود على حسب الرغبه

الطريقه :-

هنحط المواد السايله اولا فى الخلاط البيض والزيت والجبنه النسته وهنخلى المايه للاخر ونضربهم كويس وبعد كدا نضيف معلقه النشا للدقيق وننخلهم كويس وبعد كدا نضيفهم فى الخلاط على دفعتين ونحط البهارات بتاعتنا وطبعا التوم والحبهان ونضربهم كويس جدا ونبدأ نحط المايه بالمعلقه على حسب ما نحتاج ممكن مش نحتاج تلت الكوب كله على حسب ما تحسى ان العجينه بقت مش متكلته معاكى وتصبى الخليط فى اى علبه عندك على شكل اسطوانه او علبه سمنه نصف كيلو ونحط كيس فى العلبه ونحط شويه من الخليط ونضع زيتون او فلفل اسود صحيح على حسب رغبتك وشويه من الخليط وهكذا الى ان تنهتى الكميه وبعد كدا لوعايزاه بالفراخ سيبيه زى ماهو وممكن تستعملى الفراخ وتحطى لون احمر بردوا ولو باللحمه حطى نقطتين لون احمر ونربطه كويس ونحطه فى حله فيها مايه مغليه ونغطيه ونسيبه حوالى ساعه او ساعه وربع وفى نصف المده هنطلعهم ونطلع الكيس ونقلبه الناحيه التانيه ونسيبهم باقى المده وبلاش تفتحى الكيس او تحاولى تقطعيه وهو ساخن اصبرى عليه وحطيه فى التلاجه الاول هتلاقى بقى تحفه وكريمى وجميل وبيتقطع بسهوله ومش بيتهرى منك خالص وبالهنا والشفا.